шаштеңге

зат. көне. Күміс теңгелермен әрлеген, сәндеген шашбау. Қалдаяқ білезік, жүзік, сырға, ш а ш т е ң г е, шолпы, құдағи жүзік, кемер белдік т.б. зергерлік әшекейлер жасаған (А.Жұмашев, Қалдаяқ ұста., 11). Ал қоңыраулы шолпы, қозалы шолып, ш а ш т е ң г е, шашқап, бұрама түйреуіш сияқты әшекей заттар қазақ әйелдерінің шашына көрік беретін (Білім және еңбек, 1986, №7, 40). Шолпы мен ш а ш т е ң г е бұрымның ұшына ілінеді. Бұлар көбіне қос тоғыз теңгенің тізбегінен құралады. Теңгелер бір-біріне жоғарыдан төмен қарай жалғанады (Қазақст. әйелдері, 1983, №9, 26).